Пожар на тешко пристапен терен, воздушна и копнена борба за негово ставање под контрола – опасноста засега намалена, но теренот останува критичен
Над селото Белица се одвива интензивна воздушна интервенција со ангажирани ер трактори кои дејствуваат врз активниот пожар во исклучително тежок и непристапен планински терен. Маневрирањето на авионите е отежнато поради конфигурацијата на теренот, но операцијата продолжува без прекин.
Според првичните информации од терен, опасноста од понатамошно ширење на огнената линија е намалена, но ситуацијата сè уште се следи внимателно поради променливите услови и ризикот од нови жаришта.
На терен веќе се пристигнати екипите на ТППЕ Македонски Брод и ЈП „Јасен“, кои работат на стабилизирање и целосно локализирање на пожарот од копно, во координација со воздушната поддршка.
Очекуваат се дополнителни и поконкретни информации од надлежните служби во текот на акцијата.
