Босанката Адна почина два дена по венчавката – ѝ се слошило за време на најсреќниот ден во животот

Во саботата, 13 септември, во хотелот „Холивуд“ во сараевската населба Илиџа, Адна и нејзиниот сопруг Фарис го прославија својот најсреќен ден – венчавката.

Сепак, свеченоста за кратко време се претвори во вистинска трагедија. Според сведоштвата на присутните, младата невеста ненадејно се почувствувала лошо за време на прославата и итно била пренесена во Универзитетскиот клинички центар во Сараево. Таму, и покрај напорите на лекарите, починала во понеделник, 15 септември, на само 26-годишна возраст.

Последното збогување со младата Адна ќе се одржи во среда, 17 септември 2025 година, во 14:30 часот на градските гробишта Баре.

Адна се занимавала со козметика и управувала со свој салон во Сараево. Пријателите ја опишуваат како вредна, насмеана и ведра личност која секогаш знаела да внесе радост во друштвото. Веста за нејзината ненадејна смрт длабоко го потресе семејството Ровчанин-Омербеговиќ, но и пошироката заедница во Сараево.