Фото: Facebook/Jane Stojcevski
Михаил Анѓелевски се закити со бронзен медал на Malta E2 European Ranking Tournament, откако имаше успешен настап во јуниорска конкуренција до 68 килограми.
Македонскиот натпреварувач одлично го започна турнирот, совладувајќи го Шпанецот Артуро Рејес со 2-0. Со оваа победа Анѓелевски обезбеди пласман во полуфиналето и се доближи до борбата за најсјајното одличје.
Во полуфиналната пресметка се соочи со Абдалла Јахја Омар од Обединетите Арапски Емирати. По неизвесна борба, нашиот претставник загуби со 1-2, па мораше да се задоволи со бронзениот медал.
