Фото: Принтскрин
Претседателот на Движењето ЗНАМ – За наша Македонија, Максим Димитриевски испрати јасна порака дека неговата партија нема да попушти и да се откаже од ставот правосудниот испит да се полага на македонски јазик.
„Сè додека ЗНАМ е дел од Владата, правосудниот испит ќе се полага согласно закон и Устав, на македонски јазик!
Може да има различни барања, притисоци и шпекулации, но нашиот став е јасен.
Тоа се нашите црвени линии и од нив нема да отстапиме. Законите и Уставот мора да се почитуваат, а македонскиот јазик е темел на нашиот државен идентитет.
За принципите што ги застапуваме не бараме алиби и не прифаќаме компромиси што се спротивни на законите и Уставот“, објави Димитриевски.
