Фото: Принтскрин
Тешка несреќа се случила во станбена зграда во скопската населба Радишани, каде тригодишно девојче било повредено во инцидент со лифт.
Според пријавата доставена до СВР Скопје, несреќата се случила на 22 август околу 18:15 часот. Е.З. (30) била во лифтот со своите деца кога вратата ненадејно се отворила, а потоа повторно се затворила.
Во тој момент, нејзината тригодишна ќерка била повлечена од механизмот на лифтот и претрпела тешки телесни повреди. Повредите биле констатирани во Јавната здравствена установа „Св. Наум Охридски“ во Скопје.
Случајот бил пријавен во полиција на 24 август, а од СВР Скопје информираат дека се преземаат мерки за целосно расчистување на околностите под кои се случил инцидентот.
Веста ја пренесува 24info.mk
