(ВИДЕО) Седум другарки купиле заедничка куќа зашто сакале заедно да ја дочекаат староста

Седум пријателки одлучиле староста да ја поминат заедно, инспирирани од идејата на популарната серија „Golden Girls“, купувајќи заеднички дом во Кина во кој планираат да уживаат во пензионерските денови, пишува „Њујорк Пост“.

„На почетокот сè беше само шега“, велат тие во видеото објавено на Јутјуб од кинескиот медиумски стартап Y„itiao“, во кое го претставуваат својот нов дом со површина од околу 700 квадратни метри, сместен во предградието на Гуангџоу, голем град во југоисточна Кина, недалеку од Хонг Конг.

Идејата на пријателските се родила уште во 2008 година, но 10 години подоцна успеале да ја реализираат, откако вложиле 584.000 долари за да купат стара куќа и да ја претворат во модерен дом.

„Се познаваме повеќе од 20 години“, вели нараторката во видеото и додава: „Бевме колешки, а понекогаш сме си поблиски и од сестри.“

Куќата, која има три и пол ката, е опкружена со оризови полиња. Приземјето е уредено како заеднички простор за дружење и секојдневни активности, додека на горните катови секоја од нив има своја приватна спална соба.

„Ќе готвиме заедно, ќе правиме скара на полињата, ќе пееме и ќе собираме храна од селото“, велат тие.