Фото: Принтскрин
По големиот пожар што попладнево избувна во Кисела Вода, вечерва избувна уште еден пожар во близина на централното градско подрачје на Скопје.
Според информациите, гори ѓубре на дива депонија кај Лепенец, каде огнената стихија зафатила поголема површина, што дополнително ја отежнува интервенцијата.
Екипите на БППЗ Скопје се на терен и од 18:30 часот активно работат на локализирање и гаснење на пожарот.
Црн чад се издигнува над локацијата и е видлив од повеќе делови на градот, додека пожарникарите вложуваат максимални напори за да спречат понатамошно ширење на огнот.
