Еве каде во моментов беснеат големи шумски пожари во Македонија – Две критични точки под оган, ДЗС и службите се на терен!

Во тек се противпожарни интервенции на две одделни локации на територијата на државата, каде огнената стихија зафати шумски подрачја во тешки и специфични услови.

Над селото Белица, во општина Македонски Брод, на границата со ловиштето „Јасен“, избувна шумски пожар во исклучително непристапен планински предел. Поради конфигурацијата на теренот, пристапот до огнената линија беше возможен единствено пешки. Во интервенцијата се вклучени Територијалната противпожарна единица од Македонски Брод и екипи на ЈП „Јасен“, а поради сериозноста на состојбата ангажирана е и воздухопловна поддршка на ДЗС со противпожарни авиони „Ер Трактор“.

Истовремено, на подрачјето на општина Штип, помеѓу населбите Баби и Дузлак, над филтер-станицата, е активен друг шумски пожар кој зафатил борова шума. На терен дејствуваат екипите на ТППЕ Штип, со поддршка од доброволни противпожарни друштва, со цел спречување на понатамошно ширење на огнената линија.

Интервенциите на двете локации се одвиваат координирано, со цел локализација и ставање под контрола на пожарите во најкус можен рок