Тажна вест денеска се шири низ социјалните мрежи. Почина Ирена, поранешната водителка на некогаш популарната телевизиска емисија „Версус“, оставајќи зад себе бројни спомени кај колегите, пријателите и гледачите.
По повод загубата се огласи и Игор Филевски, кој со години беше нејзин телевизиски партнер и заедно ја водеа емисијата.
„Со неверување ја примив веста и долго се надевав дека не е вистинита. Тешко е да се прифати заминувањето на Ирена, човек кој оставил толку силна трага и во професионалниот и во личниот живот. Таа беше важен дел од моите почетоци во медиумите. Без нејзината енергија, посветеност и интелект, ‘Версус’ немаше да стане тоа што беше. Заедно градевме емисија препознатлива по различните ставови и аргументираните дебати, а токму нејзиниот дух беше двигател на целиот проект. Оваа загуба навистина боли. Искрено сочувство до нејзиното семејство и до сите што имаа чест да ја познаваат“, напиша Филевски.
Од агенцијата „Њу момент“ исто така упатија зборови на почит и сочувство.
„Ирена беше личност со редок карактер и неисцрпна позитивна енергија. Секогаш знаеше да внесе насмевка, но и да покаже искрено разбирање и човечност. Нејзиното присуство ќе ни недостасува неизмерно. Изразуваме најдлабоко сочувство до нејзините најблиски, пријателите и сите кои ја сакаа“, порачаа од компанијата.
Нејзиното заминување претставува голема загуба за медиумската сцена, а спомените за нејзината работа и ведар дух ќе останат да живеат меѓу колегите и публиката.
Веста ја пренесува Infomax.mk
