Бензинот и дизелот ќе „летнеле во облаци“: Еве колку ќе чинеле горивата без владините мерки

Без владините мерки за намалено ДДВ и интервенции во акцизата, граѓаните ќе се соочеа со значително повисоки цени на горивата, покажуваат пресметките поврзани со најновата одлука за малопродажните цени на нафтените деривати.

Според овие анализи, цената на бензините ќе беше повисока за 8,50 денари по литар, додека дизелот ќе поскапеше за дури 12 денари по литар во споредба со актуелните цени.

Во такво сценарио, максималните малопродажни цени ќе достигнеа значително повисоко ниво. Моторниот бензин ЕУРОСУПЕР БС-95 би се продавал за 92 денари по литар, додека ЕУРОСУПЕР БС-98 ќе чинеше 94 денари по литар. Кај дизел горивата, цената би достигнала 110 денари по литар, додека ЕУРОДИЗЕЛ БС (Д-Е V) би се продавал за 107 денари по литар.

Новите цени, сепак, кои ќе важат од 7 април 2026 година од 00:01 часот, при што максималните малопродажни цени ќе изнесуваат:

– Еуросупер БС-95: 83,50 денари за литар
– Еуросупер БС-98: 85,50 денари за литар
– Дизел гориво: 98,00 денари за литар
– Еуродизел БС (Д-Е V): 95,50 денари за литар