Малолетник со „Мерцедес“ сакал да прегази полицајци, па удрил во ормар на ЕВН

Минатата ноќ се случил сериозен инцидент на локалниот пат кон с. Сетоље.

На 21.02.2026 година во 23.00 часот, на локалниот пат кон с. Сетоље, полициски службеници од Полициска станица за безбедност на патниот сообраќај Тетово лишиле од слобода 16- годишно малолетно лице од с. Слатино. При сообраќајна контрола било констатирано дека истиот управувал возило „Мерцедес“ со тетовски регистарски таблички, без возачка дозвола. Претходно во с. Непроштено, истиот при обид за контрола од полициски службеници од ПО Теарце, со голема брзина удрил во електричен ормар на ЕВН и се обидел да ги прегази полициските службеници“, информира МВР.

Се преземаат мерки за расчистување на случајот согласно член 297-а и член 288 од КЗ. Тој е задржан во полициска станица со се возилото и по документирање на случајот ќе биде изготвен соодветен поднесок.