Српската пејачка Милца Тодоровиќ денеска, 3 февруари, се породи во Белград и на свет донесе здраво машко бебе.
Како што пренесуваат српските медиуми, породувањето поминало во најдобар ред, а и мајката и бебето се чувствуваат добро.
Според ексклузивни информации, Милца веќе го избрала и името за својот наследник. Синот ќе го носи името Богдан – име со силна симболика и длабоко значење.
Името Богдан потекнува од старословенските имиња и значи „од Бога даден“. Во минатото, ова име често им се давало на долгоочекувани деца или на првородени синови, за кои се верувало дека се божји дар.
Според народните верувања, луѓето со ова име се поврзуваат со особини како амбиција, истрајност, смиреност, самодоверба и емоционална стабилност.
Името Богдан го носи и еден од најпознатите српски кошаркари – Богдан Богдановиќ, што дополнително му дава препознатливост и сила.
