Фото - Илустрација
Вознемирувачки наводи кои кружат на социјалните мрежи отворија сериозна јавна дебата: дали човечки мозоци од починати лица во Македонија биле замрзнувани и испраќани во Соединетите Американски Држави за научни истражувања?
Темата експлодира по објавувањето на електронска кореспонденција и документи поврзани со случајот на починатиот американски милионер Џефри Епштајн, во кои се споменува и Македонија како дел од поширок научно-истражувачки проект.
Поранешниот директор на Институтот за судска медицина, д-р Алексеј Дума, во изјава за „360 степени“ потврдува дека навистина постоел проект кој се реализирал во периодот од 1990-тите до почетокот на 2000-тите години, во рамки на меѓународна научна соработка.
👉 Клучното прашање што ја вознемири јавноста е едно:
дали за ваквите постапки постоела писмена согласност од семејствата на починатите лица?
Според неофицијални информации, самиот д-р Дума изјавил дека не може со сигурност да се сети дали биле прибирани потписи или дозволи од роднините, што дополнително ја зголеми загриженоста и сомнежот кај граѓаните.
Социјалните мрежи буквално „вријат“ – коментарите се движат од шок и страв, до иронија и теории на заговор. Дел од граѓаните бараат институционална истрага, други пак поставуваат морални и етички прашања за односот кон починатите и нивното достоинство.
⚠️ Надлежните институции засега не се огласија со официјален став, но притисокот од јавноста расте.
Граѓаните апелираат информациите да се следат внимателно и со резерва, сѐ додека не се објават целосно проверени факти.
