Грчките медиуми го објавија идентитетот на седуммината навивачи на ПАОК кои загинаа во тешката сообраќајна несреќа во Романија. Навивачите на тимот од Солун патувале на натпревар во Лига Европа во Лион.
Во црниот комби загинал 31-годишниот Христос од Поличнија, Солун. Христос работел во различни угостителски објекти за да ги издржува родителите и браќата и сестрите, а од остатокот на заработеното, патувал на натпревари на ПАОК.
Другата жртва е Вачос, Грк со потекло од Грузија, кој живеел во Катерини. Тој од мали нозе ги следел натпреварите на „Двојглавите“ на стадионот Тумба, но овој пат првпат патувал на гостување.
Тројца од жртвите, Василис, Константинос и Георгиос, биле од Алексадрија Иматија. Тие, наречени „Младите орли“, биле неразделни како во соседството и училиштето, така и на трибините.
Седмата жртва, Василис Палос, потекнувал од Албанија.
Покрај седуммината загинати, уште три лица се повредени во несреќата.
Фото: Kurir.rs
