Фото: Принтскрин
Мајката на леон, Амела Мемиш Апостоловска објави видео на социјалните мрежи со силна порака до верниците.
„Гледајќи го Леон во тишината на ноќта, како со својата чиста и искрена детска душа се моли пред распетието, срцето ми се полни со надеж и солзи.
Ова видео не е само молитва за негово закрепнување, туку силен потсетник дека верата е најсигурното засолниште што го имаме.
Неговата смиреност и доверба во Бога ме учат дека и во најтешките моменти, молитвата ни дава сила да одиме понатаму. Верувам во Божјата моќ и исцелување, знаејќи дека љубовта и заедничките молитви се патот кон неговото целосно закрепнување“, објави Амела.
