Фото: Принтскрин
Од 1 февруари официјално започнува со работа системот „Сејф Сити“, кој има за цел да ја зголеми безбедноста во сообраќајот и да го намали бројот на сообраќајни незгоди преку автоматска детекција и санкционирање на прекршоците.
Системот е поставен и ќе регистрира четири клучни прекршоци кои најчесто се причина за тешки сообраќајни инциденти. Станува збор за поминување на црвено светло, надминување на дозволената брзина, непрописно паркирање, како и управување со нерегистрирано возило.
Камерите и софтверот ќе функционираат 24 часа дневно, а прекршоците ќе се евидентираат автоматски, без потреба од директна интервенција на сообраќајната полиција.
