Фото: МВР
Министерството за внатрешни работи информира дека од 20 до 31 јануари 2026 година ќе се спроведува тестирање и техничка проверка на камерите поставени во рамки на проектот „Безбеден град“.
Во текот на овој период, секојдневно од 08:00 до 20:00 часот, ќе се вршат активности за калибрација и верификација на уредите за сообраќаен надзор. За време на тестирањето, сообраќајот на одредени локации ќе биде привремено запрен, а возилата нема да бидат пропуштани додека трае постапката.
Од МВР појаснуваат дека во првата недела активностите ќе се одвиваат исклучиво на локации во град Скопје, каде што веќе се инсталирани камерите.
Надлежните апелираат до сите учесници во сообраќајот да ги почитуваат привремените сообраќајни режими и да покажат трпение и разбирање, со цел тестирањето да помине безбедно и без потешкотии.
