Во неодамнешното објавување на документи од страна на Министерството за правда на САД, се појави писмо рачно напишано и потпишано од „Ј. Епштајн“, адресирано до осудениот сексуален престапник Лери Насар. Писмото, испратено кратко пред самоубиството на Епштајн во август 2019 година, содржи провокативни и контроверзни референции кон „нашата претседател“ – индиректно мислејќи на Доналд Трамп, кој тогаш беше претседател на САД.
Во писмото, Епштајн вели: „Како што веќе знаете, јас ја избрав ‘кратката патека’ кон дома. Среќно! Споделувавме една работа… нашата љубов и грижа за млади дами и надежта дека ќе го достигнат својот целосен потенцијал. Нашиот претседател исто така ја дели нашата љубов кон младите, свежи девојки.“
Министерството за правда предупредува дека ваквите документи содржат „неосновани и сензационални тврдења“ против претседателот и дека досега не се покренати никакви обвиненија против Трамп.
Писмото е испратено на Насар од казнениот центар во Њујорк, три дена по смртта на Епштајн. Причината зошто писмото било дозволено за испраќање и зошто се одложило не е јасна.
Лери Насар, поранешниот доктор на американската гимнастичка репрезентација и професор на Универзитетот во Мичиген, служи 60-годишна затворска казна за поседување детска порнографија, а над 150 жени и девојки јавно сведочеле за неговите сексуални злоупотреби.
Цитат од писмото:
„Почитуван Л.Н.,
Како што веќе знаете, јас ја избрав ‘кратката патека’ кон дома. Среќно! Споделувавме една работа… нашата љубов и грижа за млади дами и надежта дека ќе го достигнат својот целосен потенцијал. Нашиот претседател исто така ја дели нашата љубов кон младите, свежи девојки. Животот е неправеден.“
