Политички циркус или реален проблем?
За Венко Филипче, претседателот на СДСМ, денешниот собир во поддршка на лидерите на УЧК е само уште една од „смислените и изрежирани сцени“ кои целат да го одвлечат вниманието на јавноста од реалните проблеми.
– Не можам да разберам зошто мораме да се занимаваме со работи од минатото, кога пред нас стојат вистински предизвици. Имаме мигранти на вратите на државата, а јас би требало да зборувам за војна? – истакна Филипче во разговор за Либертас.
Иднината на Македонија не чека
– Јас се грижам за иднината на Македонија, и тоа за една европска иднина. Ако прифатиме мигранти без контрола, ги затвораме вратите на нашата земја засекогаш. На кого сè уште не му е јасно? – додаде Филипче.
Циркус наместо решенија
Тој потенцираше дека политичките протести, кривични пријави и други „глупости“ од 2018 година се само дел од сценариото за дефокусирање на јавноста. – Сè уште недостасуваат само циркус и слонови на улица, а сите останати се веќе тука – заклучи Филипче.
„Претстава гледаме во театар“
– Кога сакаме да гледаме претстава, одиме во театар, не на улица. Не сакам да се занимавам со смислени и изрежирани работи кои служат за одвлекување на вниманието од вистинскиот проблем – подвлече Филипче, нагласувајќи дека приоритет остануваат мигрантите и безбедноста на државата.
