ОХРИД – Неочекувано и опасно откритие било пријавено вчера попладне во СВР Охрид. Жител на Охрид, со иницијали Д.М., при изведување работи во својот двор во селото Речица, наишол на експлозивна направа закопана во земјата.
Настанот бил пријавен на 12 декември 2025 година околу 17:30 часот, по што на терен веднаш интервенирале надлежните служби. При увидот, извршен во присуство на стручно лице – пиротехничар од Дирекцијата за заштита и спасување, било утврдено дека станува збор за рачна бомба од типот М75.
Бомбата била безбедно отстранета и подигната од местото на пронаоѓање, а случајот е преземен за понатамошна постапка од надлежните институции.
