Мицкоски бара кривични пријави против Филипче за „плашење на граѓаните“!

Лидерот на ВМРО-ДПМНЕ, Христијан Мицкоски, побара од надлежните институции да преземат мерки против лидерот на СДСМ, Венко Филипче, за „плашење на граѓаните“ со тврдења дека Македонија напролет ќе биде преплавена со имигранти. Според Мицкоски, Филипче „сее страв и паника“ иако Владата јасно ги демантираше ваквите наводи.

„Не можам да разберам кој ги информирал за оваа тема, бидејќи ова воопшто не им е во прилог. Самите гласаа на владина седница за изградба на приватни кампови за имигранти, за што имаше протести во минатото. Фундаменталните вредности на ВМРО-ДПМНЕ ја вклучуваат антиимигрантската политика, но обвинувањата дека сме ксенофобична партија се неточни. Апсолутно ништо слично нема да се случи“, рече Мицкоски.

Од друга страна, Филипче, на состанок со коалициските партнери, започна со реализација на стратегијата за „спасување на Македонија од ВМРО-ДПМНЕ и имигранти“.

За потврда дека Владата не се согласила со Обединетото Кралство за изградба на кампови, Мицкоски се повика на соопштението на Британската амбасада. Тој најави дека следната недела советниците на ВМРО-ДПМНЕ ќе предложат документ кој ќе потврдува дека политиката на партијата е антиимигрантска и дека нема да се формираат имигрантски кампови на територијата на општините.