Фото: Кире Михаилов
Заменик генералниот директор на „Македонски шуми“, Кире Михаилов објави статус на социјалните мрежи во кој открива дека секојдневно добива закани по неговиот живот.
Михаилов откри дека преживеал невиден терор, закани, местенки, казни на работа и уцени, а во продолжение прочитајте го неговиот статус.
„Откако во 2017 година дојде Зоран Заев на власт, поминав неопишливи 6 години!
Невиден терор, закани, секојдневни местенки, психичко тормозирање, казни на работа, казни и уцени на мојот приватен бизнис, отпуштања за мене, мојата фамилија, малтретирање на сите кои се блиски со мене и што ли уште не?!?
Зоран Заев, Марјан Даскаловски и целата нивна “компанија”, железни опинци облекоа за да ми го уништат животот!
Освен секако дел од здравјето, друго не можеа ниту да ми чепнат!
Откако ВМРО ДПМНЕ се врати на власт во 2024 години, за мене секојдневија повторно со закани!
Кој како го фатат, обвинат или затворат вплеткан во некаков криминал во шумарствово наше бандитско, од Берово до Струга, од Струмица до Тетово, проблемот сум му бил јас!
Ајде мајката !!!
Но, бандити непочитувани, јас сум само Заменик Генерален Директор во Македонски Шуми, ниту генерален, ниту некаков министер!
Ако мислите дека сум толку семоќен, јас, дух, секогаш и секаде, во ред е, почестен сум!
Туку, една работа сакам да ја знае јавноста, а уште поважно и Вие и сите слични на Вас, ниту досега, ниту отсега ќе Ви се исплашам, а ова што сум го започнал да го работам, ќе го продолжам со уште посилно темпо, уште пожестоко!
Немојте да мислите дека во оваа битка влегов без да ги знам последиците за се она што евентуално би следело и се она што би ме очекувало?
Немојте да мислите дека во оваа битка влегов неподготвен, напротив, влегов повеќе подготвен и психички и секако од било кога и од било кого?
Една работа сакам јавно и кристално јасно да Ви ја порачам Вам и на сите останати, слични на Вас, бандити непрокопсани, поздравот што ми го испративте мене и на мојата фамилија дека “САМО ЕДЕН ДЕН ВИ Е ДОВОЛЕН ДА ИЗЛЕЗЕТЕ НАДВОР ОД ЗАТВОРОТ”, чувајте си го за Вас, мене ниту ме плаши, ниту ќе ме предомисли!!“, објави Михаилов.
