Кај научно-истражувачкиот комплекс „Центар за извонредност“ во Крагуевац утрово повторно се појави сериозно лизгање на потпорните ѕидови и дел од пристапниот пат, јавува „Глас Шумадије“.
Според информации од терен, земјиштето е сè понестабилно, а одроните стануваат почести, што ја зголемува вознемиреноста кај жителите од околината и идните вработени во комплексот.
Екипите на Н1 пренесуваат дека денови наназад врнат обилни дождови, по што дел од потпорниот ѕид се урнал кон станбена зграда која сè уште се гради. Полицијата го обезбедува местото, но засега нема официјална информација од надлежните.
Долгогодишен проект со уште еден сериозен удар
Научниот центар на Универзитетот во Крагуевац започна да се гради во 2015 година, со план да биде завршен до 2017. Проектот беше стопиран поради банкрот на изведувачот, а државата досега инвестирала најмалку 14 милиони евра, според изјавите на министерката за наука Јелена Беговиќ во 2023 година.
Дополнително, беа најавени уште 4 милиони евра за специјализирана опрема и околу 650.000 евра за „чисти соби“ кои се потребни за истражување на матични клетки.
Комплексот опфаќа три области:
- биоинженеринг,
- биомедицина,
- истражување на матични клетки.
И покрај огромните вложувања, новото пропаѓање на инфраструктурата покренува сериозни сомнежи за квалитетот на градежните работи, надзорот и безбедноста на целиот локалитет.
Жителите бесни – бараат одговори
Луѓето кои живеат во овој дел од градот алармираат дека повторувањето на одроните претставува закана за нивните домови и може да предизвика многу поголеми оштетувања.
Официјални реакции од институциите – нема!
