Фото: Grok AI
Австрија е потресена по мистериозното исчезнување на 32-годишната инфлуенсерка Стефани Пипер од Грац. Последен пат била забележана во недела наутро, по враќањето од божиќната забава. Не се појавила на планираната фотосесија, а нејзиното исчезнување било пријавено вечерта.
Веќе наредниот ден истрагата доби драстичен обрт: нејзиното момче, 31-годишниот Петер М., беше уапсен во Словенија, откако неговиот автомобил бил откриен запален на паркинг во близина на границата.
Но, истрагата не застанува тука – полицијата приведе и неговиот брат и очув, а извршени се претреси во нивните домови и во околните шумски терени.
Сведок изјавил дека го видел еден од осомничените рано наутро во зградата на инфлуенсерката, само неколку часа пред нејзиното исчезнување, што ја продлабочува загатката.
Потрагата продолжува, а загриженоста дека може да се работи за најлошото сценарио расте од час во час.
