Фото: Орце Ѓорѓиевски
Орце Ѓорѓиевски е новиот градоначалник на Град Скопје, а денеска официјално го доби уверението по што најави дека почнува „чистката“ на главниот град.
Во 15 часот ќе се одржи примопредавање на функцијата од градоначалничката Данела Арсовска, а потоа од 20.30 часот ќе почнат со голема акција на чистење на Скопје.
„Ќе се чистат контејнерите и кантите за отпад кои со недели не се испразнети, Градскиот парк, а ќе се измие и Градскиот плоштад“, кажа Ѓорѓиевски.
