Ѓорчев: Треба да изгласаме со големо мнозинство влез на Бугарите во Уставот, но со одложено дејство

Поранешниот пратеник Марјан Ѓорчев во емисијата „Директно“ зборуваше за Извештајот на Европската комисија на Македонија и кажа што мисли за внесување на Бугарите во Уставот на Македонија.

Ѓорчев вели дека решението за да се придвижат процесите на Македонија за евроинтеграција е внесување на Бугарите во Уставот, но само со одложено дејство.

„Кој е чекорот според мене? Во Собрание треба да се изгласа со големо мнозинство да влезат Бугарите во Уставот, но со одложено дејство. И со тоа ќе го изгласаме нашиот услов којшто ќе ѝ го дадеме на Европа“, вели Ѓорчев.

Ѓорчев смета дека Македонија мора да ја убеди Европската унија дека тоа што ѝ го прават на Македонија е неправедно и некоректно.

*Изјавата на Ѓорчев може да се погледне на 14.58 од видеото.