Фото: Принтскрин
Светлана Цеца Ражњатовиќ даде интервју за српски „Телеграф“ во кое зборуваше за инцидентот кој го предизвика со бугарското знаме во Велес.
Цеца кажа дека не била свесна за односите во кои се наоаѓаат Македонија и Бугарија, а потоа изрази жалење поради нејзиниот потег.
„Навистина не знаев дека не се сакаат. Многу ми е жал ако повредив некого. Апсолутно немав таква намера, зашто не се занимавам со политика. Се трудам да ширам само љубов“, вели Цеца.
Пејачката претходно објасни што се случувало и како Мики Секуловски реагирал кога го забележал бугарското знаме кое ја налути публиката.
„Фан ми го дофрли знамето. Како и секаде во дијаспората, фановите ми даваат различни знамиња и за мене чест е да ги веам. Го прегрнав знамето и слушнав свирежи. Не знаев за што станува збор, но тоа досега никаде не ми се случило. Набрзо ми пријде Мики Секуловски и ми вели ‘знамето, знамето’. Јас го прашав што е со знамето, а тој ми кажа брзо да го тргнам. Тоа беа секунди, а јас го прашав што се случило. Тој ми вели дека знамето е бугарско. Јас му одговорив ‘Добро, и?’, а тој ми повтори да го тргнам знамето. Го отстранив, иако не знаев што се случи. Мене ми е жал ако на некого му ги повредив чувствата. Тоа не ми беше намера“, вели Цеца.
Видеото може да го погледнете ТУКА.
