Фото: Принтскрин
Пејачката Рада Манојловиќ реши својот љубовен живот да го задржи подалеку од очите на јавноста, но откри дека има партнер кој, како што вели, ја исполнува и ја мотивира да постигне уште поголеми успеси во кариерата.
Иако во минатото отворено зборуваше за љубовните врски, сега одлучи да го заштити идентитетот на својот избраник. Сепак, сподели неколку детали за нивната врска, истакнувајќи дека овој пат станува збор за поинаква, вистинска љубов.
„Ова е љубов каква што немав претходно. Не ми дозволува да се повлечам и да живееме само во романтика, без планови и амбиции. Сега сум посреќна од кога било. Тоа е еден мистериозен, убав и добар човек кој ме сака, ме поддржува и ми мисли добро“, изјави Рада во подкастот на Боки 13.
Таа додаде дека партнерот ја охрабрува да создава нови проекти и да цели кон повисоко ниво во музичката кариера:
„Ме мотивира да снимам, да работам големи работи и да верувам дека вредам многу повеќе од она што понекогаш мислам“, додава таа.
