Се создава „најсилната војска во Европа“ – подготвиле 377 милијарди евра

Германскиот канцелар Фридрих Мерц објави дека Германија планира радикално зајакнување на своите вооружени сили, со цел да изгради „најсилна конвенционална армија во Европа“. Според неговите зборови, државата е подготвена да обезбеди „сите неопходни финансиски средства“ за реализација на оваа амбициозната стратегија за одбрана.

Во сеопфатен документ од 39 страници се наведува дека околу 377 милијарди евра ќе бидат вложени во модернизација и набавка на вооружување за копнените, воздухопловните, морските, вселенските и кибер капацитети на германската војска, пренесуваат европските медиуми. Овој план претставува досега најголем инвестициски циклус во германскиот одбранбен систем во последните децении.

Покрај тоа, документот ја нагласува стратешката намера зад процесот: реформата и опремувањето на Бундесверот ќе бидат „цврсто потпирани на домашната индустрија“, со што Берлин јасно покажува дека сака да ја зајакне и националната одбранбена економија.

Според „Политико“, германските компании имаат доминантна улога во идентификуваните проекти – околу 160 програми во вредност од приближно 182 милијарди евра се планирани за домашни воено-индустриски субјекти.