Фото: Принтскрин
Шеснаесетгодишното момче Л. П. го загуби животот во тешка сообраќајна несреќа во Нови Сад, кога комбето со кое се враќал заедно со своите другари од џудо натпревар се превртело од засега непознати причини. Неговиот брат-близнак е повреден и се наоѓа во болница во Нови Сад. На местото на трагедијата бил и нивниот татко, кој потресен изјавил дека едниот син му загинал, а другиот е повреден.
Во разговор за српскиот весник „Блиц“, таткото раскажал дека застанале на местото на несреќата „за да видат што се случува“. Со солзи во очите додал дека комбето го управувал нивниот тренер, кој се наоѓа во тешка состојба во болница.
„Не знам дали ја изгубиле контролата. Децата беа на натпревар во Азербејџан. Од Баку до Будимпешта летаа со авион, а потоа со комбе тргнаа кон Србија, за Белград. И тогаш се случи оваа трагедија. Еден млад живот згасна, а другиот ми е во болница. Само сакавме да видиме што се случува“, рекол во солзи таткото на момчињата.
