Фото: Принтскрин
Белгија покрена истрага откако два дрона биле забележани над воена база во југоисточниот дел на земјата, изјави министерот за одбрана Тео Франкен.
Во две објави на платформата Х, Франкен наведе дека стражарите во касарната во градот Марш-ан-Фамен забележале неколку дронови како летаат над стратешки делови од базата во неделата, на 26 октомври, и претходниот ден. Настанот предизвикал реакција од полицијата и разузнавачката служба ADIV, кои веднаш започнале истрага, пренесе „Ројтерс“.
– Ова не беше дело на аматери, туку на искусни оператори на дронови – изјави Франкен.
Последниве недели, земјите членки на НАТО се наоѓаат во состојба на зголемена готовност поради слични случаи на појава на дронови над други воени бази во Белгија, како и инциденти со неидентификувани летала во Копенхаген, Минхен и во балтичките држави.
Франкен, во понеделникот за белгискиот весник „Морген“, изјави дека постои можност за „руски ракетни напади врз Брисел“, предупредувајќи дека доколку тоа се случи, „Москва ќе биде избришана од картата“.
На прашањето дали се плаши дека рускиот претседател Владимир Путин би можел да нареди конвенционален напад врз Брисел, министерот одговори:
– Не, затоа што тоа би значело напад врз срцето на НАТО, а тогаш ние ќе ја срамниме Москва со земја.
Raf Liekens belde me: ‘Theo, het is tijd om nog eens een groot interview af te leggen. Er moeten veel dingen geduid worden.’
— Theo Francken (@FranckenTheo) October 29, 2025
Ik dacht tja waarom niet, Raf is prima journalist. Let’s do this.
Weekje later prima interview in Humo , waarvoor dank @rafliekens .
De interviews van… pic.twitter.com/y7mfmLjks5
