Амар кон Орце: Зборувате за дивоградби, а се сликате со кралот на дивоградбите – Изет Меџити

Кандидатот на Левица за Град Скопје, Амар Мециновиќ во гостувањето во „Дуел кај Иван“ испрати директна порака кон Орце Ѓорѓиевски од ВМРО-ДПМНЕ.

„Вие зборувате за дивоградби, а се сликате со кралот на дивоградбите – Изет Меџити. Вашиот премиер вели дека вашата визија не е да рушите дивоградби, туку да градите. Велите не е ваша надлежност да чистите ѓубре, ама е ваша надлежност да отворате скопски маратон?“, праша Мециновиќ.

Двајцата кандидати ги нудат нивните програми пред народот кој треба наскоро да го избере градоначалникот на Град Скопје.