Фото: Принтскрин
Вера Кравцова (26) отсекогаш сонувала да стане манекенка, но наместо светлата на модните писти, неа ја дочекале измама, насилство и трагичен крај. Наместо живот исполнет со гламур, нејзиниот пат завршил зад бодликавата жица во Мјанмар, каде што била пронајдена мртва. Денес целиот свет зборува за младата Русинка која стана жртва на трговија со луѓе.
Според првичните информации од истрагата, се сомнева дека Вера била киднапирана и продадена за трговија со човечки органи, а нејзиното тело подоцна било кремирано. Нејзината судбина, сепак, не е изолиран случај — многу жени од Русија и други делови на Азија сведочеле за слични ужаси, за што зборуваа во телевизиската емисија „Малахов“ на руската телевизија „Русија 1“.
Вера потекнувала од обично семејство и од тинејџерски години сонувала да чекори по модните писти. Кога добила понуда за работа како модел во Тајланд, верувала дека конечно ѝ се исполнува желбата. Но наместо во Бангкок, неочекувано се нашла во соседен Мјанмар.
Нејзината блиска пријателка Викторија, која последна комуницирала со неа, раскажала:
„На 25 септември ми испрати порака: ‘Стигнав во градот каде што ќе работам. Ова не е Тајланд. Пристигнав во Бангкок, требаше веднаш да продолжам, но останав таму осум дена. Потоа ме пренесоа во Мјанмар, преминавме река и од таму ме одведоа некаде.’“
Во тој момент, Викторија не ни помислила дека Вера е во опасност — мислела дека станува збор за административни проблеми со патувањето. Но на 12 октомври сите пораки одеднаш престанале. Неколку недели подоцна стигнала страшната вест дека Вера е мртва.
Подоцна се дознало дека таа била одведена во таканаречен „скем-центар“ — нелегален кол-центар каде жени се принудуваат да мамат луѓе преку интернет. Според една од верзиите на истрагата, Вера се обидела да побегне, по што била продадена за органи.
Целиот случај може да го прочитате ТУКА.
