(ВИДЕО) Вонредна состојба во Париз, врие од полиција: Не влегувајте внатре, опасно е

Во утринските часови, за време на отворањето на Лувр во Париз, се случила кражба, соопшти француската министерка за култура Рашида Дати преку својот профил на мрежата „Икс“.

Поради инцидентот, управата на музејот донела одлука објектот привремено да биде затворен за посетители од безбедносни причини, се наведува во соопштението што Лувр го објави на социјалните мрежи, пренесува весникот Фигаро.

Според првичните информации, кражбата се случила токму во моментот кога првите посетители влегувале во музејот. Полицијата веднаш пристигнала на местото, а на граѓаните им било препорачано да не се приближуваат до објектот.

Лувр, кој претставува симбол на француската култура и еден од најобезбедените музеи во светот, денес ќе остане затворен за јавноста.

Се сомнева дека се украдени скапоцени предмети во вредност од неколку милиони евра. На социјалните мрежи веќе се појавија фотографии и видеа направени во и околу музејот, а на едно од нив се гледаат поставени долги скали.

Според првичните информации, крадците украле девет парчиња од колекцијата накит на Наполеон – ѓердан, брош, тиара и друго.

PANIQUE TOTALE au Musée du Louvre évacué d’urgence 🤯 Braquage confirmé par Rachida Dati. pic.twitter.com/p2c1Eo5XjT

— Raspoutine (@gregraspoutine) October 19, 2025