Фото: Принтскрин
Поради тешкиот пристап до местото на несреќата и долготрајниот увид кој траеше неколку часа, автобусот на превозникот „Sirmium bus“ беше извлечен од каналот кај Сремска Митровица дури синоќа, по повеќечасовна акција на спасувачките екипи.
Несреќата се случи вчера на патот што ја поврзува Сремска Митровица со селото Јарак, кога автобусот, под сè уште неутврдени околности, излетал од коловозот и се превртел во канал покрај патот. Според официјалните информации, во трагедијата животот го загубија три лица – две на самото место, а третото подоцна им подлегнало на повредите во болница.
Во Општата болница во Сремска Митровица потврдија дека состојбата на повредените патници останува непроменета.
