Пејачот Влатко Лозаноски – Лозано денес има посебна причина за радост: неговиот син Марко го прославува својот прв роденден!
По цела година далеку од јавноста, Лозано реши да сподели дел од својата семејна среќа. На својот Инстаграм профил објави фотографија од малиот Марко, придружена со емотивни зборови:
„Бебушек Марко денес ни прави 1 годинка. Да си ни жив, здрав, секогаш насмеан и радосен, синко мој. Те сакаме.“
Пејачот своето татковство долго време го држеше подалеку од медиумите, а јавноста дозна за раѓањето на неговиот син минатиот октомври само преку неофицијални извори. Денешната објава претставува првпат Лозано јавно да покаже дел од својата најголема радост — семејството.
