По трагичната смрт на Владимир Блажев-Панчо, на социјалните мрежи се огласи и сопругата на Андреј.
Наталија Ѓорѓиеска, која го загуби својот сопруг во пожарот во Кочани, на „Инстаграм“ сподели уметничка слика од Леонтина Арт на која се прикажани Андреј, Панчо и Тоше Проески.
Леонтина под своето дело објави трогателна порака која ја пренесуваме во целост:
„Оваа слика е мој начин да ви се поклонам. Не со зборови, туку со молитва во боја. Не ги нацртав за да ги прикажам како спомени, туку затоа што со нив ја најдов најчистата форма на живот:
Во нивната тишина — Вера.
Во нивните зборови — Надеж.
Во нивните песни — Љубов.
Тие како симбол на вечноста на звукот, и мој начин да им кажам „благодарам“ за сè што оставија зад себе.Оставија песни што не стареат.
Оставија пример како се сака вистински,
и како се живее со срце — не со слава.
Оставија чест во време кога таа е ретка.
Оставија добрина што се чувствува дури и од далеку.
Оставија храброст да бидеш свој.
Беа луѓе со душа поголема од сцената,
со срце што не пееше само — туку даруваше.
Беа чисти, топли и вистинити.И затоа не се забораваат.
Не затоа што заминаа,
туку затоа што оставија дел од себе.16-ти — ден на раѓање, ден на збогување, ден на сеќавање.
Ден кога небото ги зема уметниците, а мене, токму на овој ден, сум се родила за да чувствувам, да создавам, и да не заборавам.Затоа, денес, јас се сеќавам, создавам и благодарам — зашто тие не се дел од минатото. Тие се вечни.
Вечна им слава“.
Наталија, преку својот пост, ја сподели и својата болка, но и признанието за вечната вредност на нивното музичко наследство, потсетувајќи дека луѓето со вистинско срце никогаш не се забораваат.
