Најнов инцидент се случи во грчки ресторан на Крит, во градот Ханија, кога млад турист се задушил додека седел со својата девојка.
Тој се обидувал да кашла, но предметот во грлото не сакал да излезе. Девојката се обидела да го удри по грб за да му помогне, но тоа не донело резултат.
Другите гости брзо забележале дека ситуацијата е сериозна, а келнерот веднаш повикал помош од менаџерот. Василис Пателакис пристигнал и веднаш применил маневарот на Хајмлих, со што му го спасил животот на туристот.
Туристот веднаш почувствувал олеснување, а Пателакис подоцна го споделил видеото од надзорните камери на Фејсбук за да покаже колку е важно и лесно да се помогне во вакви ситуации.
