„НАТО ќе ги уништи Русите за неколку часа, нема ништо да остане“, вели генерал Бен Хоџис

Поранешниот командант на американските сили во Европа, генерал Бен Хоџис, во неодамнешно интервју за проектот „Vote Talk“ издаде сериозно предупредување дека секој евентуален руски напад врз која било членка на НАТО би предизвикал моментален и силен воен одговор од Алијансата.

Хоџис објасни дека, во случај на таков конфликт, НАТО би делувал брзо и решително, при што клучните руски воени капацитети – меѓу кои базите во Калининград и Севастопол – би биле неутрализирани за само неколку часа.

„Доколку Москва се обиде да ја нападне Полска, на пример во 2025 година, на ист начин како што ја нападна Украина, реакцијата на НАТО би била моментална. Воздухопловните и копнените сили на Алијансата би ги уништиле руските трупи во многу краток рок. Калининград би исчезнал од картата во првите часови, а слична судбина би го снашла и Севастопол“, изјави Хоџис.