Фото: Принтскрин
Во пожар што го зафати историскиот манастир Бернага во италијанското место Ла Валета Брианца, целосно изгоре дел од комплексот стар речиси четири века. Манастирот, основан во 1628 година, се наоѓа на околу 30 километри источно од Милано и претставува едно од значајните духовни и културни наследства во регионот.
Италијанските медиуми јавуваат дека сите 22 монахињи кои живееле во манастирот биле навреме евакуирани и никој не е повреден. Сепак, огнот уништил голем дел од непроценливите уметнички дела и предмети кои со векови се чувале во објектот.
Причината за пожарот засега не е позната, а на терен интервенирале повеќе противпожарни екипи кои се бореле со пламенот неколку часа.
