Фото: Принтскрин
Снимката на која поранешниот директор на Клиниката за неврологија, Игор Кузмановски, се гледа како користи бела прашкаста супстанца, продолжува да предизвикува силни реакции во јавноста и на социјалните мрежи.
Иако Кузмановски јавно се извини, сепак дел од јавноста, меѓу кои и инфлуенсерката Ина Многуфина, оценуваат дека самата смена од функцијата не е доволна и дека потребна е подетална институционална реакција за враќање на довербата во здравствените установи.
„Сега после вчерашниот скандал можеме да сфатиме дека докторов е сосема ок да продолжи да лечи пациенти ама не смее да е директор. Значи поголема штета ќе напраи ко директор, не знам, може ќе пише три дежурства, но, народ може да лечи. Народ ко народ, тоа е, неаме доктори. Озбилно? Лиценца треба да му се земе на човеков, со вакво хоби ни маче не треба да прегледа. Ич да не навлагам во тоа дека некој треба да провери дали е корисник или зависник, големата работа го смениле од директор, јаката позиција. Директор у клиника не стана само уште женана гаќи што продава на кутија пред Токсикологија, овој лечи луѓе, тоа е нештото на што треба да се концентрираме, дали е работоспособен? Тоа треба да ни каже некој, а не се извинил. Што ако се извинил, демек се е ок сеа? Па не е“, вели таа.
Видеото може да се погледне ТУКА.
