Во село Рамне, охридскиот крај, денес – на 11 октомври 2025 година – беа осветени темелите на новата православна црква посветена на Свети Атанасиј Велики.
Чинот на осветувањето го извршија свештени лица во присуство на голем број верници, кои со искрена радост и духовен занес учествуваа во овој значаен момент за селото. Многумина од присутните изразија подготвеност да помогнат во изградбата на храмот, кој ќе претставува ново духовно средиште за локалното население.
Со ова свечено поставување на темелите започна и ново поглавје во духовниот живот на жителите на Рамне – симбол на вера, заедништво и надеж за идните поколенија.
