Фото: Принтскрин
Дваесетгодишната Тина Русева од Струмица, која веќе неколку години живее во Германија со своето семејство, остави силен впечаток во најновата епизода на светски познатото музичко шоу „The Voice of Germany“ (Гласот на Германија). Нејзиниот настап, кој се емитуваше вчера, предизвика вистинска еуфорија и кај жирито и кај публиката во студиото.
На аудицијата таа се претстави со енергична изведба на хитот „Do It Like A Dude“ од Jessie J, со што успеа да ја крене салата на нозе и да добие аплауз кој траеше со минути. Жирито беше видно изненадено од нејзината харизма, вокалната моќ и сценски настап, а публиката едногласно ја награди со овации.
