Фото: Принтскрин
Фолк пејачот Дарко Лазиќ, кој неодамна доживеа тешка сообраќајна несреќа во Белград, повторно предизвика реакции во јавноста. Тој на својот Инстаграм-стори сподели објава од еден корисник во која на навредлив начин се критикуваат новинарите и им се упатува непристоен гест, со забелешка дека наместо да пишуваат за деталите од несреќата, требало да нагласат дека „Дарко и неговата сопруга се добро, фала Богу“.
Пораката, која содржеше и вулгарен израз, Лазиќ без двоумење ја пренесе на своите социјални мрежи. Овој потег отвори дилеми и критики – дали пејачот со тоа сакаше да испрати порака дека медиумите требало да премолчат за фактот дека во моментот на несреќата имал 1,93 промили алкохол во крвта.
Да потсетиме, Дарко Лазиќ и неговата сопруга Катарина во ноќта меѓу среда и четврток доживеаја сообраќајка на автопатот кај Генекс, во близина на белградската Арена. Двојката се враќала од промоција на песна на пејачката Тијана Матиќ, сестра на Катарина. Според информациите, Лазиќ најпрво удрил во автобус, по што автомобилот завршил во банкина.
