Фото: Принтскрин
Малото германско место Ебербах е во шок по двојната смрт на мајка и син, пронајдени вчера во различни делови на градот. Телото на 45-годишната Александра било откриено на локален фудбалски терен околу 7 часот наутро, додека нејзиниот 19-годишен син, Никлас, бил пронајден мртов во автомобил 26 километри подалеку.
Според полицијата, телото на Никлас било извлечено од уништен „Форд“ по силен удар во столб на мостот близу Вајбштат околу 3:30 часот наутро. Момчето, по професија молер, загинало на лице место.
Истражителите сега испитуваат дали двете смртни случаи се поврзани. На местото каде било пронајдено телото на мајката се забележани траги од гуми, обележани со спреј креда, што упатува на можност дека синот ја нападнал мајката и потоа побрзал со автомобилот, губејќи контрола и удрjајќи во мостот.
„Веруваме дека станува збор за убиство и насилно кривично дело. Осомничени е син, и нема индиции за други осомничени. Околностите околу злосторството сè уште се истражуваат“, соопшти обвинителот.
Комшиите и пријателите на Александра се собираат на фудбалскиот терен, оставаат цвеќе и палат свеќи, изразувајќи ја својата тага.
„Александра работеше во болница, а нејзиниот син беше пријателски настроен и секогаш подготвен да помогне“, изјави еден сосед.
Телата на мајката и синот се испратени на обдукција, по што ќе се откријат повеќе детали за трагичниот случај.
