На социјалните мрежи се појавија наводи дека балканската ѕвезда Дино Мерлин, кој ќе настапи овој викенд на „Пастрамалијадата“ во Штип, наводно побарал да се исклучи осветлувањето на крстот на Исарот за време на неговиот концерт.
Градоначалникот Иван Јорданов за „Скопје 1“ ги оцени овие информации како неточни:
„Тоа што се шири на социјалните мрежи е целосно погрешно. Дино Мерлин не побарал ништо такво. Не ми е јасно зошто се пласираат вакви лаги,“ изјави Јорданов.
„Пастрамалијадата“ овој викенд ќе го обои Штип со својата уникатна атмосфера. Најголемата музичка ѕвезда на манифестацијата ќе биде Дино Мерлин, а настап ќе имаат и македонските артисти Елена Ристевска и Владо Јаневски.
Градот најавува тридневен фестивал со богата гастрономска понуда, мирис на свежо печена пастрмајлија и забавна програма под отворено небо.
