„Пожарите не се случајни, сторителите ќе одговараат“, кажа Милошоски

Пратеникот од ВМРО-ДПМНЕ, Антонио Милошоски, изрази сомнеж дека неодамнешните пожари не се случајни.

Тој посочи дека директорот на депонијата „Дрисла“ доаѓа од редовите на ДУИ и обвини дека огнените инциденти биле намерно предизвикани со цел да се создаде страв и паника кај населението, како и да се извлече одредена политичка корист.

„Во однос на пожарите и интензитетот по кој што се случуваат а последниот имаше и одредена видео снимка не би рекол дека пожарите се случајни, особено не пожарот во Дрисла. Има одреден дел на поединци кои се повикани на распит и некои се осомничи и мислам дека во соработка со Обвинителството ќе може за скоро време да имаме и предмет којшто би бил оформен во оваа насока. Сторителите ќе одговараат за своите дела“, кажа Милошоски.