Фото: Принтскрин
Премиерот Христијан Мицкоски одржа средба со српскиот актер Милош Биковиќ, кој има македонски корени и е еден од најпознатите актери на Балканот.
На состанокот се разговараше за можностите за вложувања во Македонија, при што Биковиќ ја истакна својата заинтересираност токму за Берово, препознавајќи го како атрактивна дестинација со голем потенцијал за развој на туризмот.
„На мое задоволство имав средба со познатиот актер Милош Биковиќ кој по потекло е од убавиот македонски град Берово. Разговаравме за неговата иницијатива за инвестиција во хотелски и рекреативен комплекс во Берово. Ме радува неговата иницијативност и љубов кон Берово и Македонија. Така се почитуваат своите корени“, напиша Мицкоски.
