Фото: Принтскрин
Тајлер Робинсон (22) од Јута официјално е обвинет за убиството на познатиот конзервативен инфлуенсер и политички активист Чарли Кирк (31), кој беше близок сојузник на претседателот Доналд Трамп. Обвинителството најави дека ќе бара смртна казна, а како клучен доказ наведува ДНК-трага пронајдена на оружјето.
Кирк беше убиен минатата среда со куршум во вратот за време на собир на Универзитетот Utah Valley, пред бројни сведоци, вклучително и деца. Според обвинението, под тастатурата на Робинсон полицијата пронашла порака со зборовите: „Добив можност да го елиминирам Чарли Кирк и ќе ја искористам.“ Обвинителите наведуваат и дека тој му наредил на својот цимер да избрише инкриминирачки пораки и дека за време на полициското испитување молчел.
За време на читањето на обвинението беше објавена и целата преписка меѓу Робинсон и неговиот цимер, трансродна лице со кое бил во романтична врска. Од презентираните пораки произлегуваат следните делови од разговорот:
Робинсон: „Пусти што и да правиш, погледни под мојата тастатура.“
Цимер: „Што? Се шегуваш, нели?“
Робинсон: „Сè уште сум добро, љубов, ама малку сум заглавен во Орем. Не би требало долго да дојдам дома, но мора уште да ја земам пушка. Искрено, се надевав дека ќе ја задржам оваа тајна до смрт. Жал ми е што те влечам во тоа.“
Цимер: „Ти тоа не го направи, нели?“
Робинсон: „Јас го направив, жал ми е.“
Цимер: „Мислев дека некого веќе фатија?“
Робинсон: „Не, фатија некого луд старец, па после испитуваа некого облечен слично. Планирав наскоро да ја земам пушката, ама голем дел од тој дел од градот е блокиран. Тивко е, скоро доволно да можам да излезам, ама таму стои едно возило.“
Цимер: „Зошто?“
Робинсон: „Зошто да го направам?“
Цимер: „Да.“
Робинсон: „Ми беше доста од неговата омраза. За некои работи не може да се преговара. Ако успеам незабележано да ја земам пушката, нема да оставам никакви траги. Ќе пробам пак да ја земам, се надевам дека се повлекле. Не видов дека нешто пронашле.“
Овие пораки, според обвинението, ја поткрепуваат наводната намерност и планираност на делото. Истрагата сè уште е во тек, а обвинителството дополнително ќе ги претставува доказите во текот на судскиот процес.
