Фото: Принтскрин
Израелските вооружени сили во текот на ноќта изведоа нов масовен воздушен напад врз градот Газа, јавуваат очевидци за агенцијата AFP. Според нивните сведоштва, бомбардирањето било исклучително силно и безмилосно, при што голем број станбени објекти биле срамнети со земја, а луѓе останале заробени под урнатините. „Се слушаат нивните крикови,“ изјави 25-годишниот жител на Газа, Ахмед Газал.
Портпаролот на службата за цивилна заштита под раководство на Хамас, Махмуд Басал, потврди дека нападите продолжуваат со голем интензитет низ целиот град и дека бројот на жртви и повредени постојано се зголемува.
Паралелно со тоа, израелскиот министер за одбрана, Израел Кац, соопшти дека израелските војници „храбро се борат за создавање услови за ослободување на заложниците и за пораз на Хамас“. Во изјавата тој додаде: „Градот Газа е во пламен. Израелската армија со железна рака удира врз терористичката инфраструктура. Нема да попуштиме ниту ќе застанеме додека мисијата не биде целосно завршена.“
هربا من القصف الإسرائيلي.. عائلات فلسطينية تفترش الأرصفة في غزة بحثا عن مكان آمن#فلسطين#غزة#قناة_الحدث pic.twitter.com/vqHy0qeVJ8
— ا لـحـدث (@AlHadath) September 16, 2025
